ඔබට හිතන්නට මගෙන් පුංචි අදහසක්....

ඔබට හිතන්නට
පුංචි අදහසක්....

Sunday, December 25, 2011

විභාග ප්‍රතිඵලය..



එකම කොලයක රැඳුන
සිනහ රැඳි දෙනෙත ලඟ
කඳුලු බිඳු රැඳි නෙතඟ
කියයි ප්‍රතිඵලයෙ රඟ
 

Thursday, December 15, 2011

ගංගාව..



පිපාසාව සංසිඳිමින්,
ගලා ගියත් නුඹ පෙර දින,
මහසයුරට එක් වී අද,
බොන්නට බැරි ලෙස ලුනු රස,
උනේ කෙලෙස උඩඟු විලස...
 

Wednesday, December 7, 2011

බුද්ධිගලනය..




රටේ මැද කඳුකරෙන් ඇරඹුන
ගඟ ගලා යයි මුහුද වෙතටම
මුතු මැණික් දිය යටම හංගන
මව්බිමේ පෝෂනය හෝදන
 
සිතා බලපන් නුඹත් එහෙමද
පුංචි තැනකින් පටන් අරගෙන
උගෙන දුප්පත් දනගෙ මුදලින
ගිහින් පිටරට වලට කඹුරන



රට අතැර ගිය ශ්‍රිලාංකිකයිනි,
නැවත එන්න.. අපි අපේ රට ගොඩනගමු..!
 

Sunday, November 6, 2011

නුඹ නමට ලියන කව...




ඇරඹුවත් නුඹ නමින් කවි පෙලක්           පබදින්න
කිම වදන් පැකිලෙන්නෙ ඒ හැඟුම්          පවසන්න
නුඹ ඇවිත් මගේ මුලු හිත් අහස              සරසන්න
හිත නොමැත නුඹ අතැර වදන් සොයමින්    යන්න
 
 ඒ කවිය නුඹ නමට කෙලෙස හෝ          අමුණන්න
 අවැසි නෑ තව තවත් එලි සමය                රැකගන්න
 උවම් නැති උනත් ඒ කවිය හැඩ              කරවන්න
 වදන් වත් දෙනු මැනවි කවිය නිම           කරගන්න



Saturday, October 8, 2011

Ring tone එක



මගේ දුරකතනයට මුලදි
ඇමතුමක් එන විටදි මහදේ
සොඳුරු හැඟුමන් ජනිත වන සේ
මිහිරි ගීයකි හඬින් ගැයුනේ
 
එදා සිට ඇය ඇමතු දවසේ
ඇසූ සුවහස් ගීත අතරේ
මහද නලවන එකම ගීතේ
වීය එය මී විතක් විලසේ
 
එදත් සුපුරුදු විලස නද දී
ඇගේ අයියයි දෙසුවෙ බෝසේ
ඇසෙනවිට මා සළිත වන සේ
එයම විය බියකරුම ගීතේ
 
අවාරේ සැදි පළතුරක් සේ
නැගෙයි ඉදහිට ගීත රාවේ
තවම නොදනිමි එහි වු අරුතේ
අනේ මන්දා එයයි ගීතේ
 

Tuesday, September 27, 2011

දිනන්නට...!




දිනීමට හැසිරෙන්න දිනුවෙකු                      විලසින්ම
නිකරුනේ නොයවන්න ගෙවෙන හැම   මොහොතක්ම
පිබිදෙන්න හැම දිනක ජය කනුව                 දකිමින්ම
අත් වේවි මතු දිනක  ජය ඔබට                  නිතැතින්ම



 මා විශ්වාස කරන ආකාරයට, ජයක් ලැබීමට නම් තමා පළමුව පරාජිත හැඟිම් ඉවත් කර දමා ජය ලැබුවෙක් සේ හැසිරිමට හුරු විය යුතුය.සෑම මොහොතකම සඳහා කැප විය යුතුය.නිරන්තරයෙන්ම තමා යා යුතු ඉලක්කය,ඒ සඳහා යා යුතු මර්ගය සිතින් දැකිය යුතුය.අවසානයේදී නොවැරදිම තමාට තමාගේ අරමුණු කරා ලඟාවිය හැකිය....
 

Saturday, September 17, 2011

වෙරල රළ හා බැඳුන ප්‍රේමය...




වෙරල රළ හා පෙමින් බැඳුනත් නොමැත කිසි දා වෙලී     හුන්නේ
රළ ඇවිත් මුදු වෙරල සිපගෙන යලිත් සයුරට මුහුව          යන්නේ
ඔබව මට හිමි නොවන වග දැන දැනත් මා සිත ඔබ       පතන්නේ
සිතින් හෝ ඔබ ලගින් හිඳගෙන ඔබේ පෙම්සුව විඳිනු        රිසිනේ 

 

Monday, August 29, 2011

මගේ මතකය

 
වැහි බින්දු මා තෙමන විටදි ඔබ             සිහිවුනේ
ඔබ සමඟ නොතෙමි මා පියනැගුවෙ     පෙර දිනේ
අහඹු ලෙස හමුවෙලා අහඹු ලෙස        වෙන්වුනේ
ඔබව මට හිමි නොමැති බව මටම         වැටහුනේ

මා යනෙන බසයෙදියි ඔබව මට             හමුවුනේ
මගෙම වරදින් නුඹව එහිදිමයි              නැතිවුනේ
අද තවත් කෙනෙකු හට නුඹ සෙවන   දෙනුපෙනේ
මට අහිමි ඒ "කුඩය" දැන් ඉතින්         ඔහුගෙ නේ
 

Wednesday, August 17, 2011

මම ..



නුඹේ පයටම ගෙවුනු,
මාරු නොකරම නොහැකි,
සෙරෙප්පුව වගෙයි දැන්,
නුඹට යල් පැන ගියපු...


Thursday, August 11, 2011

බසයේ ගමන


ජීවිත රැසක්
දෑතට අරන්..
මුදලම හඹන්
තරගෙට වැදන්..
හීයක් ලෙසින්
යන විට උඩින්..
රියදුරු තුමන්
දෑතට නිතින්..
කඳ සුරිඳුගෙන්
පිහිටම පතන්..
දෙවියන් බුදුන්
සිහිපත් කරන්..
රත්වූ ලෙයින්
හිදිනෙමු ඉතින්..

Saturday, August 6, 2011

නිර්දෝශී හෙර



ඔබ යෙදු දිය පොහොර සමග,
සරුවට දින දින ලියලුව
ඔබ වෙනුවෙන් හදෙහි ඉපදි,
ආලය නම් පුංචි දලුව
තලා නැවත නොනගින ලෙස,
අහවර කර දැම්මෙ මමම
ඔබ හෙරකැයි දැනගත් දින,
මා මිතුරගෙ හිතද ගත්ත

Thursday, July 28, 2011

අසම්මතද..?


 


ගතේ දැවටෙන සේල   අතරින්
ඔබේ මුදු ලැම පහස    ලබමින්
නේක මිනිසුන් හෙලූ   සුසුමන්                                                            හදේ ගැඹුරට නොදැනුනාදෙන්

ආලයෙන් තුටු පඬුරු  අරගෙන
ඔබට ඇරයුම් රැගෙන  එන දින
කාසි පඬුරට විවර    නොමවුන
නුබේ ඒ හද මහට    දෙනු මැන

Tuesday, July 26, 2011

හිතන්නට...



නොයෙක් දස්කම්  දරන්
ඉපදුනේ        මනුසතුන්
අනුන් දැල්වූ        පහන්
එපා යන්නට    සොයන්

මදක් නැවතී          හිදන්
ඔබට හැකි දේ      බලන්
ප්‍රඟුන කර එය    හොදින්
යන්න පරතෙර  සොයන්

නොපසුබට       අදිටනින්
අනුන් යහපත        පතන්
වැඩ කලොත් ඉත  සිතින්
දියුණුවත් එයි        හඹන්



සෑම මිනිසෙකු සතුවම සහජ දක්ෂතාවයන් පවතී.අවම වශයෙන් එකක් හෝ පවතී.ඉතින් නිවිහැනහිල්ලේ සිතා බලන්න,තමන් දක්ෂ මොනවාටදැයි කියා. තවමත් ප්‍රමාද නැත,එම දක්ෂ තාවයන් මතුකර ප්‍රගුන කරගන්න.එමගින් සමාජයට වැඩක් කරන්නට උත්සාහ ගන්න.එවිටයි, සාර්ථක මිනිසෙකු විය හැක්කේ.

                                                                                                      http://adahas.webs.com/

Saturday, July 23, 2011

මල


මලක් විලස පර වීලා
ගියේ කිමද මා දාලා
කිවේ මලකැයි කියලා
මලක් විලස සුවඳ හලා
ඔබ එනු දැක සිනහ සලා

Monday, July 18, 2011

සර්වපාක්ෂික මාර ගස..


සිව් වසරකට වරක්,
කරලියට එන මුහුනු 
සිනාසෙන රූප කොල,
බඳ පුරා අලවගෙන 
පැයෙන් පැය අලුත් වන,
හන්දියේ මාර ගස 
මොනව ලැබ ගන්නටද..
මෙවර ඡන්දෙටත් වැඩ 

Monday, July 11, 2011

සමාවන්න..



රෑ පුරා නිදි වරපු
විඩාබර නෙත උනපු
නෙත දොවා පහ කරපු
වේදනා ගෙන ගියපු
කදුල ඔබ.. මා පතපු
මම සිතින් දුරු කරපු

දැන්වීමයි...

Wednesday, July 6, 2011

ඇමති-ඇඳුරු කඹ ඇදිල්ල



ශක්තිමත් දෙපිරිසක්
තරඟ පිටියට වැදන්...
සිටින්නේ වැර යොදන්
කඹය දෙපසට ඇදන්...
ඒත් මේ ඇදෙන්නේ
රටේ හෙට දවස නම්...
අත නොහැර සිටියොතින්
සුනු විසුනු වන බැවින්...
ගොන් දෙබානක් උනත්
නොසිටීවි මේ ලෙසින්...

Saturday, July 2, 2011

දරු පෙම.....




දුකක් දැනුනිද, නුඹට මල් ගස
නෙලා ගත්තෙන්, නුඹ වැදූ මල
බොහෝ දුක් විඳ, නුඹ හැදූ මල
බුදුන් පිදුමට, නෙලූවෙන් මම
හදාගන් සිත, විලස මා කල
දිනේ මා පුතු, සසුන්ගත කල




 

Monday, June 27, 2011

මසිත...


තලන් ඇති    තරමක්,
මසිත පොල් ලෙල්ලක්..
වෙතොත්   සෑහීමක්,
හදන්නම්  කොස්සක්..
නුබේ තුන්  හිතකත්,
මා මතක  බිදුවක්..
ඉතිරි නොම වෙනකන්,
ඇමදලා දමපන්..

Sunday, June 26, 2011

අහිංසක මකනය...


ඔබට වැරදුන.. සෑම තැනකම
මකා නිවැරදි .. කරන්නට මම
ඔබෙ මිනිරන්..  තුඩග අසලම 
මකනයක් වී..    රැදුනි නිබඳම

මගේ ඉරනම.. නොමැකෙනා ලෙස
කෙලස කටුගා.. දැමූවෙද නුඹ
මකනයයි මම.. තවම නුඹ ලඟ
කිමද මේ.. පෑනක්ව නුඹ අද...

Friday, June 24, 2011

සිනහව...



නොමිලයේ දිය හැකිවු අමිල  ගතමනාවයි
හමුවනා හැම දනෝ බැඳ තබන    ඉනාවයි
අවුල් වූ මුව මඩල පිහිරනා           පනාවයි
විකසිතවු හද මලක සුවඳ නම්       සිනාවයි

හද මලක් කොපමණ සුන්දර උවත් එහි ස්වභාව පිටතට පෙන්විය හැක්කේ ඔබේ මුවෙහි වූ සිනහවෙනි.ඒ මලක රුවට වඩා එහි සුවඳ බොහෝ දුර පැතිරෙන්නාක් මෙනි.ඒ ඔබේ සිනහවට මිනිසුන් ඇද බැඳ තබා ගැනීමේ
හැකියාවක් ඇත.ඔබේ මුව මඩලට සුන්රත්වයක් එක් කරන්නේද එයයි.ඕනෑම කෙනෙකුට නොමිලයේ දිය හැකි එකම සංග්‍රහය වූ ඔබේ සිනහව සඟවාගෙන නොසිටින්න

 

Thursday, June 23, 2011

ඇරඹුමක් කරා නික්ම යන්න....

දුම්වැටියට සමු දීම...


මගේ මුව අද්දරම
ජීවිතය දැල්විලා
ටිකෙන් ටික කෙටි වෙලා
බිම වැටෙයි අලු වෙලා..

හෙට දිනය හැඩ දමා
දුමින් සිත්තම් කලා
පලක් නෑ එය බලා
සැනෙන් යයි බොඳ වෙලා..

නිවී අහවර වෙලා
යන්න පෙර බිම හෙලා
පයින් පාගා දමා
උදා වෙන හෙට බලා
තුටින් පියමන් කලා...



Wednesday, June 22, 2011

වට්ටාරම...

මා ඇසින් දුටු වට්ටාරමේ අසිරිය...


උතුම් වෙසඟේ බුදුන් වැඳුමට ගියේ             වට්ටාරම්
ඒ මහා පුදබිමේ මා දුටු අසිරි                     පවසන්නම්
බොහෝ දුර අපි ගෙවාගෙන තව පසුකරන්      පුදබිම්
බුදුන් වැඳුමට වෙළඳ පොලකට ගියා මෙන්   මටනම්
 
පුදබිමට පිය නගන විට අපි බැතින් හද       පුරවන්
කතුරු ඔන්චිලි අතර මාරක ලිඳකි මහ       හඬ දුන්
බුදුන් වැඳුමද තබා පසෙකින් මුදල් වැය    කරමින්
මහා ජන කඳ පෝලිමේ හිඳ ගියේ එය       නරඹන්

 
බෝ රඳුන් වැඳ දාගැබට යන මග දෙපස      අහුරන්
යදිති යාචක දනෝ ආධර එකිනෙකා          පරයන්
නේක ආබාධයන්ගෙන් යුත් ඔවුන් දුටු       විගසින්
සොවින් හදවත පිරී ඉතිරෙයි සසර කල    කිරෙමින්
 
දාගැබෙන් බුදු මදුර වෙත පිය නඟන මග          දෙපසේ
එකම වහලක් යටින් හැම දේ ගන්න  හැකි       වන සේ
නොයෙක් විසිතුරු දෙයින් සපිරුනු සල් පිළින්  ගැවසේ
ඔවුන් යන එන මගත් අහුරන් හඬනගති             රිසිසේ
 
මුදල් කොල මත යකඩ කටකින් හඬින් සෙත  පැවසේ
එකඟ සිතකින් මලක් පිදුමට නොහැක කිසි      විලසේ
ගමේ පන්සල උතුම් වෙසඟට පිළිවෙතින්        සැරසේ
අහෝ.. රජමහ විහාරෙට මේ කලද අද               දවසේ

Monday, June 20, 2011

සොබාදහම...

මල් පිපී තුරු හිසක
සුවඳ විහිදා දසත
ඵල ලබන අරමුනක
ඉඟි කලා බඹරුනට

බඹරු දස අත ඇදෙන
හිනැහෙනා මල් දෙසට
රොනට ඇදුනා මිසක
නොමැත ආලය හදක

එහෙත් උන් එක් වේවි
බඹරු කුස පුරවාවි
මලත් ගැබ්බර වේවි
සැම තුටින් වෙන්වේවි

Friday, June 17, 2011

ජයගනිමු භාධක...

පියමැන යද්දි ජය ගන්නට      ජීවිතය
භාධක හමුව පසු බැස්සොත් නිශ්පලය
පළමුව සිතින් ජය ගමු ඒ       භාධකය
ඉන්පසු ගතත් ඒ පසුපස එනු     ඇතිය

හොඳම සේවය


















ඵලදායී සහ හොඳම සේවය නිහඬවම කරන 
සේවයයි...!

Saturday, June 11, 2011

ජය ගන්න...

ඔබේ ජය කනුව නිති සිත් අහසෙ  ඇඳගන්න
ජය ලැබූ සේ සතුට හද පුරා            විඳගන්න
තබන හැම පියවරක ජය කනුව    දැකගන්න
ඔබට හැකි වේ සබඳ නොවැරදී     ජයගන්න


සාර්තකත්වය කරා යාමට...!

සාර්තකත්වය කරා යාමට අසාර්තකත්වයට මුහුන දීමට එඩිතර විය යුතුය..
 
තෝමස් අල්වා එඩිසන් සාර්තකම විදුලි බුබුල නිපදවීමට පෙර පරීක්ෂන 9000ක් පමණ කර තිබේ.ඒ සෑම අවස්තාවකම නොපසුබට වූ ඔහු තම කාර්යය අසාර්තක වියහැකි ක්‍රම දහස් ගණනක් ඇති බව සොයාගත්තේය.
එමනිසා අසාර්තකත්වය සාර්තකත්වය සදහා යන ගමනේ අත්වැලක් කරගනිමු..



 http://adahas.webs.com/adahasideas.htm 

Sunday, June 5, 2011

නැගීසිටිමු..!


වැටෙන්නට බිය නොවන් එවිට හැක   දුර යන්න
මක්නිසා වැටුනිදැයි වැටුනොතින්       විමසන්න
සවිය ගෙන නැගිටින්න තැවි තැවී  නොම ඉන්න
කිසි දිනක නැවත එ විලස ඇද    නොවැටෙන්න

Saturday, May 14, 2011

ආයුබොවන්...!

ගන්න අත    අවියක්...
නොමැත ගත සවියක්...
එහෙත් ඇත  විරියක්...
කරන්නට මෙහෙයක්...

කරමි විප්ලවයක්...
අකල්ප වෙනසක්...
ලියා කවි පදයක්...
අරුත්බර වදනක්....

ආරම්භය..!

       සරසවි ජීවිතය පටන් ගත්තු දවසෙ ඉදන්ම උනෙ ටිකෙන් ටික කෙලවෙන එක. 3 වෙනි semester එකෙදි තමයි ලොකුම කඩා වැටීම උනේ. ඉතින් මම හිතුව දන්වත් නැගිටින්න පටන්ගන්න ඕන කියල.ඔන්න ඒකට ආරම්භයක් ගන්න මටම වගේ ලොකු නිවාඩුවකුත් ලැබුනා.ඒ ඇසිල්ලෙන් මේ blog එක පටන් ගත්තෙ තවත් මම වගෙම  නැගිටින්න බලන් ඉන්න කෙනෙකුට පුංචිහරි තල්ලුවක් දෙන්න පුලුවන් වෙයි කියල හිතාගෙන.
                          මම පොඩි කාලෙ ඉදන්ම කවියට ආස කරනව. මම විශ්වාස කරන විදිහට හුගක් දේ කෙලින්ම අමුවෙන්ම කියනවට වඩා කවියෙන් කියන එක හිතට දැනෙනව. ඒ හින්ද වැඩි හරියක්ම කවි පලකරන්න තමයි හිතාගෙන ඉන්නෙ.ඉතින් ඒ කවි එක හුස්මටම කියවල දාන්නෙ නැතුව,කිහිප වතාවක්ම කියවල බලල මතුපිටින් පෙනෙනවට වැඩිය ගන්න යම් අදහසක් ඒ තුල තියෙනවද කියල පොඩ්ඩක් හිතල බලන්න.එතකොට තමයි මගෙ අදහසත් ඉෂ්ඨ වෙන්නෙ.   
                      මටතේරෙන  විදිහට මේ රටට දැන් ඕන කරන්නෙ ආකල්ප විප්ලවයක්.උපන්දා සිට යුද්ධයේ ගිනිදැල් දැකපු අපේ හිත් තුල පරාජිත හැගීම් මුල් බැහැගෙන තියෙන්නෙ. ඉතින් අපේ හිත් තුලින් පරාජයේ වල් පැලෑටි උගුල්වා දමා ජයග්‍රහනයේ බීජ වපුරන්නට නැගී සිටිය යුතු කාලයයි මේ..
Related Posts Plugin for WordPress, Blogger...