දවසක්      දෙකක් යන එනවිට මඟ       දැක්ක
කුසුමක්     වගෙයි හිනැහෙන විට මා     එක්ක
මුදුවක්       අතේ පැලඳුවත් ඔහු             එක්ක
වදනක්      දෙකක් දෙඩුවම වේවිද         මක්ක

 

නිල් නෙතු ලදේ මා දුටුවිට මග        හරින
පෙම් සිත නුඹේ කෝ පෙර මා ලග   රැදුන
දැන් නැත මගෙ යැයි කිසිවෙකු සිත  හදන
දන් නැහැ මීවිතද ව්සදුම සිත            අසන

කන්නට යමක් දී යන්නට පුලුවනිද..

ඉන්නට    තැනක් නෑ, එනමුත් මක්      වේද

යන්නට    ලැබුණු අත්වාරුව ඇති    නොමඳ

ගින්නට    කුසේ මෙතුවක් පිළියම්    නොලද

කන්නට    යමක් දී යන්නට            පුලුවනිද

එපා ආලය

නෙත දොවන කඳුලට 

හද දවාලන සුසුමට 

කුමට ඇරයුම් කොට 

එපා පෙම මං බඳින්නෙමි වැට

වැඩබිම් කවි..

අඹර       අරා නැගුනත් මහ මැඳුර          තැනූ

අතර       මගයි කුඩුවේ වැඩ අපට           තැනූ

නිතර      සිහිව උවනත නුඹේ කඳුළු         ඉනූ

උගුර     සිරව නොගිලෙයි බත පතෙහි     ඇනූ

සුබම සුබ අලුත් අවුරුද්දක් වේවා..!

බක්මහේ තුරුගොමුත්  මල් කැකුළු       පුරෝගෙන

හෙට දිනක පල බරව හිනැහෙන්න          හිතාගෙන

සැවොම තම සිත් පුරා පැතුම් මල්          පැළඳගෙන

ජය ලබා සිනාසෙමු අවුරුද්දෙ                  උදාවෙන

ලොව පුරා වෙසෙන සියලු ශ්‍රී ලාංකිකයන්ට සුබම සුබ සිංහල දෙමළ අලුත් අවුරුද්දක් වේවා..

නුඹට,

නුබට      මහදම ඇතත්          පුදලා

සතුට      සැනසුම නැතිලු     ලැබිලා

ලොවට   හිනැහී කුමට          හඬලා

පෙමට     සමු දී යමුද             මිදිලා