මගේ මතකය

 

වැහි බින්දු මා තෙමන විටදි ඔබ             සිහිවුනේ
ඔබ සමඟ නොතෙමි මා පියනැගුවෙ     පෙර දිනේ
අහඹු ලෙස හමුවෙලා අහඹු ලෙස        වෙන්වුනේ
ඔබව මට හිමි නොමැති බව මටම         වැටහුනේ

මා යනෙන බසයෙදියි ඔබව මට             හමුවුනේ
මගෙම වරදින් නුඹව එහිදිමයි              නැතිවුනේ
අද තවත් කෙනෙකු හට නුඹ සෙවන   දෙනුපෙනේ
මට අහිමි ඒ "කුඩය" දැන් ඉතින්         ඔහුගෙ නේ

 

මම ..

නුඹේ පයටම ගෙවුනු,
මාරු නොකරම නොහැකි,
සෙරෙප්පුව වගෙයි දැන්,
නුඹට යල් පැන ගියපු...

බසයේ ගමන

ජීවිත රැසක්
දෑතට අරන්..
මුදලම හඹන්
තරගෙට වැදන්..
හීයක් ලෙසින්
යන විට උඩින්..
රියදුරු තුමන්
දෑතට නිතින්..
කඳ සුරිඳුගෙන්
පිහිටම පතන්..
දෙවියන් බුදුන්
සිහිපත් කරන්..
රත්වූ ලෙයින්
හිදිනෙමු ඉතින්..

නිර්දෝශී හෙර

 

ඔබ යෙදු දිය පොහොර සමග,

සරුවට දින දින ලියලුව

ඔබ වෙනුවෙන් හදෙහි ඉපදි,

ආලය නම් පුංචි දලුව

තලා නැවත නොනගින ලෙස,

අහවර කර දැම්මෙ මමම

ඔබ හෙරකැයි දැනගත් දින,

මා මිතුරගෙ හිතද ගත්ත